STEINTÓR RASMUSSEN BIO

Um Steintór

Divider text here

Steintór Rasmussen er føddur í 1960 og hevur frá ungum árum av verið virkin sum skapandi íverkseti, fyriskipari, sangskrivari, komponistur, rithøvundur og útgevari. Steintór er útbúgvin lærari og arbeiðir í fólkaskúlanum, har hann sær tað sum sítt fremsta mál at kveikja kyndilin hjá føroyskum børnum, soleiðis at Føroyar fáa eina bjarta framtíð.

Longu sum 7 ára gamal var eg ógvuliga hugtikin av talvi, og hetta vakra og dragandi spæli gevur mær framvegis nakrar ríkar og spennandi løtur, sigur Steintór Rasmussen, sum meinar at telvingin á ungum árum kann skapa og mynda tín persón. Ein telvari má altíð síggja møguleikarnar sum eru í støðuni og kortini hava í huga, at ein góð ætlan einans er hálvur vegurin, meðan nýggj hugskot, kreativitetur og praktiskar avgerðir føra teg nærri málinum. 

"Heimasíðan hjá Steintór Rasmussen er ein tiltrongd goymsla og eitt opið savn av sangum, søgum, hugskotum, myndum og ymiskum tilfari, sum stendur øllum vitjandi frítt í boði."

Kanska er hetta júst orsøkin til, at Steintór Rasmussen í meira enn ein mansaldur hevur hildið tjóðini í skák við sínum nógvu hugskotum og listarligum avrikum. Sum fáur hevur hann yrkt, umsett og skrivað sangir til børn og vaksin her á landi. Harafturat hevur hann latið sangir frá sær til onnur at framføra. Sum ígongdseti hevur Steintór staðið á odda fyri bæði ungdómsarbeiði og vælgerðartiltøkum. Hann hevur roynt seg sum umboðsmann og útgevara, og hansara navn er ritað í søguni hjá Frændum, Brandi Enni, Talent, Trølla Pætur, Kulum Rótum, Atlantis, Studio Pegasus og Summarfestivalinum.

 ,Niclas Heri Jákupsson